Milyun-milyong jackpot prizes ang naghihintay sa mga lotto bettor ngayong Martes, Hunyo 6. Ito’y dahil aabot na sa ₱211 milyon ang jackpot prize ng Ultra Lotto 6/58, habang ₱15.8 milyon sa Super Lotto 6/49, at ₱5.9 milyon naman sa Lotto 6/42.
Sa inilabas ng jackpot estimates ng Philippine Charity Sweepstakes Office (PCSO), papalo na nga sa milyun-milyon ang mga papremyo.
Dahil dito, hinihikayat ng ahensya na magtungo na sa pinakamalapit na lotto outlet at tayaan na ang nabanggit na lotto games at baka ito na ang pagkakataon para maging instant milyonaryo.
Ang Ultra Lotto ay binobola tuwing Martes, Biyernes, at Linggo habang ang Super Lotto 6/49 ay tuwing Martes, Huwebes, at Linggo at ang Lotto 6/42 ay kada Martes, Huwebes, at Sabado.
