Binasag na ni Teacher Georcelle Dapat-Sy, founder ng sikat na dance group na “G-Force,” ang kaniyang katahimikan hinggil sa isyu ng umano’y tampuhan sa pagitan nila ni Popstar Royalty Sarah Geronimo, kaya waley ang presence nila sa 20th anniversary concert nito noong Biyernes, Mayo 12, sa Smart Araneta Coliseum.
Mapalad na nakuha ng batikang showbiz insider na si Ogie Diaz ang panig ni Teacher Georcelle at nauntag kung totoo bang hindi sila in good terms ni Sarah, at kung totoo rin ba ang kumakalat na tsikang nagpadala siya ng demand letter sa Viva, ang talent agency ni Sarah, na nagdedemand ng ₱150k sa bawat kanta nitong gagamitin ang kanilang choreography.
Bagay na pinabulaanan naman ng founder ng G-Force. Hindi aniya totoo na nagpadala siya ng demand letter na naka-address kay Bossing Vic Del Rosario ng Viva para mag-demand ng royalty sa kanilang choreography, lalo na ang super hit na “Tala.”
Batay sa mga naging pahayag ni Teacher Georcelle, “artistic differences” at “artistic freedom” ang naging dahilan kung bakit hindi sila bahagi ng anniversary concert ni Sarah gayong naging bahagi sila nito sa 20 taon ng Popstar Royalty sa industriya.
“We’ve been training her and G-Force have been dancing with her for 16 years. She’s looking for growth as an artist and as a person. She wants to try other things. There were artistic differences and I wanna support her as she embarks on this new chapter even if it means stepping out for a while.”
“Mama Ogs, I did everything out of love and respect for her as an artist and a friend. Parang love team kami for 16 years, but this year gusto niya to try other things. This process was painful for G-Force. Most of them cried, especially the choreographers who have been training hard to bring out the best in her. It’s like a break up.”
“SG wants something else, I want her to exercise that artistic freedom. But it’s also my right to exercise my artistic freedom. I had to pull out two months ago in March. Of course my team will always understand and respect my decision. This is me encouraging SG to experience that creative freedom and to be the ultimate decision maker in producing and directing her 20th anniversary concert.”
Patungkol naman sa sinasabing demand letter at singil niya sa dance steps, “”Mama Ogs, OMG. Demand? Why will I demand? Wala ako sa position to demand for anything especially when no work is delivered but I can quote for the price of the use of my copyrighted works.”
“I sent a personal letter, not a demand letter. I did not demand. Not being a part of her 20th is my gift of freedom so she can fully express her creative dreams.”
Nasabi pa ng dance choreographer na nagkapalitan pa sila ng mensahe ni Sarah sa mismong araw ng concert nito.
“Our relationshop should be okay and not be affected by public opinion,” ani Teacher Georcelle.
Isa rin naman sa mga binanggit at pinasalamatan ni Sarah sa kaniyang speech ay si Teacher Georcelle at ang G-Force.