Ikinasal na si Phoenix Fuel Master player Javee Mocon sa dating modelo ng men’s magazine na FHM na si Maica Palo sa Baguio Country Club nitong Miyerkules.
“We wholeheartedly appreciate your presence in our special moments with us. Your laughter, tears of happiness, and fantastic dance moves didn’t fail to make our wedding the most memorable. We love you all,” bahagi ng social media post ni Maica.
Matatandaang inanunsyo nina Mocon at Palo na engage na sila noong Abril 2022 sa Paris, France.
Pormal na naging miyembro ng Fuel Master si Mocon nitong nakaraang taon kung saan pumirma ng tatlong taong kontrata matapos i-trade ng Rain or Shine.
Si Mocon ay kinuha ng Elasto Painters sa PBA Draft noong 2018 mula sa apat na taong paglalaro sa San Beda Red Lions.
