Kinumpirma ng Colegio San Agustin (CSA) Makati nitong Lunes, Marso 27, ang pagkasawi ng kanilang student-athlete na nag-collapse umano habang nakikilahok sa isang football varsity game sa labas ng kanilang paaralan.
Sa Facebook post ng CSA, inanunsyo nitong nasawi ang isa sa kanilang mga estudyante nitong Linggo, Marso 26.
“It is with deep sorrow and regret that we announce the passing of one of our student-athletes last Sunday, March 26, 2023. The student was participating in a Football varsity game outside the school when he collapsed. He was immediately rushed to the nearest hospital, but could not be revived,” pahayag ng CSA.
Saad pa ng kolehiyo, hindi pa malinaw ang naging sanhi ng pagkasawi ng nasabing student-athlete dahil, ayon umano sa ospital, kinakailanga pa nilang magsagawa ng karagdagang pagsusuri.
“The school is closely coordinating with the family and the hospital personnel for more details, and for any assistance which the school may provide,” saad ng CSA. “Meanwhile, we ask the community to join us in prayer for the student’s bereft family during this most difficult time.”
Nakahanda rin umanong suportahan ng eskwelahan ang mga naapektuhan ng nasabing malungkot na balita. Nakaantabay daw ang kanilang guidance counselors and Wellness Office para sa mga estudyanteng nangangailangan ng atensyon at suporta.
“If you feel that your child is struggling, please do not hesitate to use our communication channels to coordinate with us,” anang CSA.
“Our thoughts and prayers go out to the family during this time of grief and loss,” dagdag nito.
