Nakakuha na ng upuan sa semifinals ang Ginebra San Miguel makaraang pulbusin ang NLEX Road Warriors, 127-93, sa PBA Governors’ Cup sa Araneta Coliseum nitong Marso 19 ng gabi.
Hindi na pinaporma ng Gin Kings ang Road Warriors nang kamkamin ang 56-36 bentahe sa first half sa tulong nina Justin Brownlee at Jamie Malonzo.
Sinamantala ng Ginebra ang hindi paglalaro ni NLEX import Wayne Selden, Jr. dahil sa pilay sa bukung-bukong.
Sinandalan muli ng Gin Kings sa kanilang panalo si Brownlee na kumubra ng 31 points, 13 rebounds, at anim na assists.
Makahaharap na ng Ginebra ang San Miguel Beermen sa semifinal round.
