Hawak na ng Ginebra San Miguel ang twice-to-beat advantage sa quarterfinals matapos pagulungin ang Terrafirma Dyip, 109-104, sa 2023 PBA Governors’ Cup sa Ynares Center sa Antipolo City nitong Miyerkules ng gabi.
Nasa Top Four na ang Gin Kings at hawak ang 8-2 record.
Pinamunuan muli ng import na si Justin Brownlee ang Ginebra sa naipong 38 points, limang blocks at anim na assists.
Naipantay pa ng Terrafirma sa 102 ang laban, tatlong minuto na lamang sa orasan.
Dahil dito, lalong rumatsada sina Brownlee at Nards Pinto upang kunin ang bentahe.
Naisalpak din ni Jamie Malonzo ang huling puntos sa papaupos na oras hanggang sa tuluyang maiuwi ang panalo.
