Nakapag-uwi na naman ng panibagong gintong medalya si Filipino Olympian EJ Obiena sa 2023 Orlen Copernicus Cup sa Torun, Poland.
Ito na ang ikatlong gold medal ni Obiena ngayong taon.
Napitas ni Obiena ang unang gintong medalya nito sa Perche En Or sa Roubaix, France at ang ikalawa ay nakuha nito sa Orlen Cup sa Lodz ngayong buwan.
Nilundag ni Obiena ang 5.87 meters sa kanyang ikalawang attempt upang tuluyang maabot ang gold medal.
“Making it thru one day at a time. Now, time to recover and try to get the much needed rest,” bahago ng social media post ni Obiena.
“Thank you everyone who has supported me. We still fighting. Maraming salamat po!” dagdag pa nito.
