Bumalik sa NorthPort si Robert Bolick at pumirma ng kontrata kaya maglalaro na muli sa PBA Governors’ Cup.
Ito ang kinumpirma ni Batang Pier team manager Pido Jarencio nitong Miyerkules at sinabing inaasahang makikita muli sa aksyon si Bolick sa pagsabak ng koponan nito laban sa Ginebra San Miguel sa Biyernes.
Nag-ensayo na umano si Bolick sa kanyang koponan matapos hindi nito paglaro sa apat na laban ng Batang Pier kung saan sila natalo mula nang simulan ang Governors’ Cup nitong Enero 22.
Kabilang lamang ang Converge, Meralco, NLEX, at Phoenix Super LPG sa tumalo sa Batang Pier.
Nauna nang naiulat na maglalaro umano si Bolick sa T1 League. Gayunman, hindi umano nakakuha ng release papers mula sa PBA.
Naiulat na tatapusin na lamang ni Bolick ang 2022-2023 final season ng PBA sa Abril matapos mag-expire ang kanyang unang kontrata nitong Enero 31, 2023.
