Good vibes ang hatid sa netizens ng post ni Abi Ang tampok ang cute na cute na apat niyang alagang pusa na talagang tutok na tutok sa panonood ng Cartoon na ‘Tom and Jerry’.
“Uuhhmmm excuse me po. pwede na po ba ko mag work? 
Sa panayam ng Balita Online, ibinahagi ni Ang na may trabaho raw siya nang araw na iyon pero dahil sa maaga pa para sa trabaho, binuksan lamang niya ang kaniyang laptop para mag-check sana ng emails.
Nang mabuksan ang laptop, isa-isa na raw umakyat sa kaniyang mesa ang apat na pusa na tila nakatitig sa monitor. Kaya naman naisip niyang i-play sa telebisyon ang ‘Tom and Jerry’.
“Natulala na sila lahat. Enjoy na enjoy na sila, binabatukan pa nga nung isa si Jerry.
“Then malapit na ako mag-start mag-work kinakalabit ko na sila isa isa kasi mag lologin na sana ko. Di nila ko pinapansin lahat. basta nanonood lang sila kaya di ako nakapag work agad,” natatawang kuwento ni Ang.
Dahil sa good vibes ang naging dala nito sa kaniya, naisip daw ni Ang na i-post ito para magbigay rin ng aliw sa mga kapwa niya cat lover. Sa ngayon ay amani na ang nasabing post ng mahigit 4,800 reactions, 400 comments, at 410 shares.
Wika nga ng netizens, cuteness overload ang pagiging tutok sa panonood ng mga pusa ni Ang.
–
Nais mo bang mai-feature ang iyong storya o ‘di kaya mayroon kang larawan at video na gusto mong i-share? I-message mo lang kami sa aming Facebook at Twitter!
