Hindi umubra ang lakas ng dating NBA player at Meralco import na si KJ McDaniels matapos silang sagasaan ng Terrafirma Dyip sa PBA Governors’ Cup sa Ynares Center sa Antipolo City nitong Sabado ng gabi.
Tinapos ng Dyip ang laban, 96-88, kaya nakaisang panalo na ito matapos matalo sa laban nila ng Converge nitong Huwebes.
Kumolekto ng 30 points si Juami Tiongson tampok ang anim na tres, habang naka-29 markers ang kanilang import na si Jordan Williams, bukod pa ang walong rebounds.
Dahil sa matinding depensa, nalimitahan ng Terrafirma sina McDaniels at Chris Newsome sa 29 at 13, ayon sa pagkakasunod.
