Matapos makuha ang Best Player of the Conference (BPC) award at mahablot din ng kanyang koponan ang kampeonato sa katatapos na PBA Commissioner’s Cup, isa namang blessing ang natanggap ni Ginebra point guard Scottie Thompson dahil malapit na siyang maging ama.
Anim na buwan na ngayong buntis ang asawang si Jinky, ayon na rin sa social media post ni Thompson.
“Grace overflowing. I’m so excited to meet the person who is half me and half you. One of God’s greatest blessing is on its way. I Love you both,” paglalahad nito.
Ikinasal ang mag-asawa noong Hunyo 2021 at kasalukuyan silang nagbabakasyon sa Japan matapos magtagumpay ang Ginebra sa Commissioner’s Cup kamakailan.
