Nagdulot ng katatawanan sa social media ang panggagaya ni “Dyosa Pockoh” sa sexy pose ni Kapamilya actress-vlogger Ivana Alawi kung saan nag-alok ito ng buko juice.
“Buko juice o ako?” caption ni Ivana sa kaniyang litrato, na umani naman ng iba’t ibang reaksiyon at komento mula sa mga netizen.
Ginaya naman ito ni Dyosa Pockoh at ibinahagi sa kaniyang Facebook post.
“Pagsabihan n’yo si Ivana Alawi. Kung gagayahin mo ako Ivana dapat yung mas mahihigitan ako at mas malalagpasan ako. Nagmukha s’yang uyo at paklang,” pabiro niyang hirit.
Ipinaliwanag naman ni Dyosa kung ano ang “uyo” at kung ano ang “paklang”.
“Ang uyo po ay yung pahabang parang espada na nasa buko ng niyog at paklang ay dahon ng niyog,” aniya.
Si Dyosa Pockoh ay isa sa co-hosts ni Ogie Diaz sa “Ogie Diaz Showbiz Update” kasama nina Mama Loi, Mrena, at Tita Jegs.
Wala pang tugon, reaksiyon, o pahayag si Ivana tungkol dito. Aliw!
