Muli na namang nalagay sa balag ng alanganin ang volleyball star player ng koponang “Choco Mucho Flying Titans” na si Denna Wong matapos kumalat sa social media ang isang video kung saan tila inisnab daw nito ang isang lalaking tagahanga na lumapit sa kaniya.
“At totoo ang chismis. Kayo na ang humusga PERIOD!” caption ng nagbahagi nito sa social media na si Adrian Vasaya Abejuela. Nakunan umano ang video sa Oslob, Cebu.
Makikita sa video ang paglapit ng isang binatilyo kay Deanna subalit itinaboy umano ng volleyball star player ang naturang tagahanga.
Tila hindi naman nagustuhan ng mga tagahanga ni Deanna ang ginawa ng naturang netizen at nanawagan silang i-report ang account nito.
“May mga tao talaga na gumagawa ng isyu para sumikat lang at isa ka na doon Adrian pinapahamak mo kapwa mo Cebuano… face the consequences of your action ha huwag kang mag-delete hintay ka lang…”
“Sa lahat ng supporter ni Boss D, paki-report na lang ng post na ito. Wag n’yo na patulan ‘yan. Kulang lang sa pansin ‘yan.
Report na lang para hindi na kumalat salamat.”
“Hahaha REPORT done, walang magawa sa buhay eh ano? Papansin lang talaga kayo… kailangan talaga lumuhod si DEANNA WONG sa mga kagaya n’yo… ang hangin ng mga utak.”
“Ano problema kaya ng taong ‘to kay Deanna Wong? Gusto pa talagang magpasikat tulad ni Mr. GMRC.”
Matatandaang naging-usap-usapan ang pang-iisnab umano ng buong koponan sa mga tagahanga nila habang nasa Boracay.
Kumalat din ang isang video ng pang-iisnab umano ni Deanna sa isang babaeng naispatan siya sa isang sinehan.
Naglabas naman kaagad ng video ang naturang video at nilinaw na pinansin naman siya ni Deanna subalit pinagbawalan umanong magpakuha ng picture ng kaniyang mga kasama.
