Agad na nagbigay ng reaksiyon at komento ang motivational speaker/fitness coach/ social media influencer na si Rendon Labador sa kumakalat na video ng pang-iisnab at pagtaboy umano ni “Choco Mucho Flying Titans” volleyball star player Deanna Wong sa isang binatilyong lumapit sa kaniya habang siya ay nakaupo, sa isang lugar sa Oslob, Cebu.
“At totoo ang chismis. Kayo na ang humusga PERIOD!” caption ng nagbahagi nito sa social media na si Adrian Vasaya Abejuela. Kinuyog naman siya ng mga tagahanga ni Wong at hinikayat ang publiko na i-report ang account nito dahil sa “paninira” sa volleyball star.
Ibinahagi naman ni Rendon ang viral video sa kaniyang social media platforms at kinomentuhan.
“As a public figure, we have a social responsibility and a moral obligation to inspire others. It is a privilege! Don’t take that for granted!” aniya.
“Public behavior is merely private character. #DeannaTuto,” sey pa ni Rendon sa kaniyang caption.
Matatandaang binarda rin ni Rendon si Deanna at ang team nito matapos ang insidente ng pang-iisnab umano nila sa ilang mga tagahanga habang nakabakasyon sa Boracay.
