Umakyat na sa kabuuang 140 bangkay ng persons deprived of liberty (PDLs) ang naihatid na sa huling hantungan, ayon sa pahayag ng Bureau of Corrections (BuCor) nitong Disyembre 2.
Nailibing na nitong Biyernes sa NBP cemetery ang 70 karagdagang bangkay ng mga preso.
Ang bilang ng mga bangkay ay mula sa 176 na mga labi na natengga sa Eastern Funeral Homes, dahil sa kawalan ng umutubos na pamilya.
Bago ang paglilibing, nagsagawa muna ng misa at kapansin-pansin na karamihan sa mga upuan na pupuwestuhan sana ng mga mahal sa buhay ng mga nasawi ay bakante.
“Masakit po sa dibdib na ihatid sila sa huling hantugan, lalo na’t iniisip natin na nakalimutan sila. Hindi man sinasadya ng kanilang mga kamag anak,” sabi Ma. Cecilia Villanueva, director ng Health and Welfare Services.
Kaugnay nito, mayroon pang 36 na mga labi ang naiwan sa Eastern Funeral Homes
