Tinawag na “bida-bida masyado” ng basketball star na si Ricci Rivero ang online personality at tinaguriang “Pambansang Lalaking Marites” na si Xian Gaza matapos nitong mag-post patungkol sa jowa nitong si Kapamilya actress Andrea Brillantes.
Si Blythe naman ang tila “napagdiskitahan” ni Xian sa kaniyang Facebook post noong Lunes, Nobyembre 28.
“For the last one year eh maraming beses kong tsinismis si Andrea Brillantes. Punta kaya ako sa meet & greet niya dito sa Dubai para mabwiset. Pila ako with face mask tapos kapag turn ko na bulagaaa nyeeeaaaaam hahaha badtrip siguro yon,” ani Xian.
Ibinahagi naman ni Ricci sa kaniyang Instagram story ang screenshot ng post ni Xian at kinomentuhan ng “Hahaha bida-bida masyado” sa text caption.
Nakarating naman ito sa kaalaman ni Xian at “gumanti” ng screenshot.
“MAY KINABAHAN HAHAHAHAHA AMPOGI KO TALAGA,” saad ni Xian kalakip ang screenshots ng IG story ni Ricci.
“MAY MOTIVATION NA KO NGAYON PARA GAWIN ANG PLANO HAHAHAHAHA.”
“Parang batang aagawan ng candy ihh hahaha.”
“Meet & Greet lang eh? Ang hirap talaga maging pogi. Matatakot talaga yung jowa at baka maagaw mo. Pogi problems,” pang-aasar pa ni Xian.
Wala pang tugon, reaksiyon, o komento sina Ricci o Blythe tungkol dito.
