Laglag na sa PBA Commissioner’s Cup playoffs ang TNT Tropang Giga matapos padapain ng San Miguel, 119-99, sa PhilSports Arena sa Pasig City nitong Sabado ng gabi.
Dahil dito, nabigyan pa ng pagkakataon ang Beermen na makapasok sa quarterfinal round.
Namayagpag sa San Miguel ang import na si Devon Scott matapos makakuha ng doub-double–28 puntos, 14 rebounds, at tatlong assists habang ang kakamping si Simon Enciso ay nakakolekta ng 15 puntos.
Taglay na ng San Miguel ang rekord na 6-5, panalo at talo.
Nahirapan ang Tropang Giga dahil halos mabokya ang pambato nilang point guard na si Mikey Williams na nakakuha lang ng dalawang puntos.
Kababalik lang ni Williams mula nang suspendihin dahil sa hindi pagsipot sa ensayo ng koponan.
