Sususpindihin muna ng Light Rail Manila Corp. (LRMC) ang operasyon ng kanilang Light Rail Transit Line 1 (LRT-1) para sa reintegration effort ng kanilang istasyon na dati nang isinara dahil sa pagpapatayo ng Common Station.
Sa panahon ng pagsasara nito, magsasagawa naman ang kumpanya ng readiness tests, trial runs, at exercises upang masubukan ang katatagan ng Roosevelt area sa tulong ng brand-new Alstom signaling system.
“We advise our passengers to plan their trips ahead. We assure the public that the upcoming weekend closure with temporary inconvenience will result in long-term benefits for our commuters. In coordination with our private and government partners, it will be all hands on deck to ensure a safe and successful resumption of commercial operations for the full line,” pahayag ni LRMC chief operating officer Rolando Paulino III.
Sakaling naging positibo ang isasagawang operational exercises, inaasahang mailunsad na ang commercial operations nito mula LRT-1 Baclaran Station hanggang LRT-1 Roosevelt Station sa Disyembre 5.
Matatandaang isinara pansamantala ang LRT-1 Roosevelt Station nitong Setyembre 5, 2020 upang bigyang-daan ang konstruksyon ng pamahalaan sa Common Station o Unified Grand Central Station (UGCS) na magdurugtong ng LRT-1, MRT-3, at MRT-7 upang hindi na mahirapan ang mga mananakay.
“We advise commuters to stay tuned as we conduct these readiness tests along the LRT-1 and be updated on the status of Roosevelt reopening. We assure the public that once reopening is confirmed, LRMC is ready to serve our LRT-1 passengers adding Roosevelt Station to our existing operational stations,” ayon pa sa opisyal.