Kinakiligan ng mga netizen ang panibagong vlog ni Kapuso actor Jak Roberto matapos niyang ipakita rito ang disenyo ng ipinatatayo nitong bahay, na katuparan ng kaniyang pangarap.
May pamagat ang naturang vlog na “Reaksiyon ng aking irog sa aming tahanan.”
“After ko mapost yung Walk thru ng dream house ko, may mga nagrequest ng reaction video ni Madam. Kahit ako curious din sa reaksyon nya dahil nasa lock in sya noong naipost ko ito at di ko rin nakita sa personal ang naging reaksyon nya. So tinananong ko si Madam dito kung lilipat na ba sya sa akin pag nagawa na yung bahay, panoorin nyo na lang kung anong naging sagot nya hahaha enjoy!” saad sa caption ni Jak.
Masayang-masaya naman si “Bb. Klay” para kay Jak dahil unti-unti nang nagiging totoo ang pangarap niyang makapagpatayo ng sarili niyang bahay.
Tinanong naman ni Jak kung papayag daw ba si Barbie na tumira sa kaniyang ipinatatayong dream house kapag gawa na ito, bagay na kinakiligan naman ng mga tagahanga nila.
Pinuri din ni Jak ang nobya sa mahusay nitong pagganap sa patok na teleseryeng “Maria Clara at Ibarra”.
