DOLORES, Quezon — Binaril at namatay ang isang municipal councilor habang naglalakad kaninang Biyernes ng madaling araw, Nobyembre 18, sa Purok 2 Brgy. Dagatan ng bayang ito.
Kinilala ng Dolores Police ang biktima na si Orlando Barsomo, 47, binata, at residente ng naturang lugar.
Sa inisyal na imbestigasyon, naglalakad ang biktima bandang 3:15 ng madaling araw nang sumulpot ang suspek at binaril ito sa ulo.
Dead on the spot ang biktima at tumakas naman ang suspek.
Nagsasagawa ngayon ng manhunt at follow up operation ang pulisya, Inaalam din nila ang posibleng motibo ng pagpatay at pagkakakilanlan ng suspek.
Councilor sa Quezon, dead on the spot nang barilin ng hindi pa nakikilalang salarin
Ang Nangungunang Pahayagang Tagalog sa Bansa (Pilipinas)