Sa edad na 53-anyos, hindi umano tumatanda at bagets na bagets pa rin ang batikang Kapuso actress na si Jean Garcia, sey ng netizens.
Sa serye ng mga TikTok videos na ibinahagi ng aktres sa Instagram kamakailan, glowing at ageless pa rin ang aktres matapos ang ilang taon nang showbiz career.
Pagsang-ayon nga ng masugid na followers ni Jean, bagets pa rin ang look nito at 53!
“Bagets po tingnan si Ms Jean Garcia wow sana all,” komento ng isang netizen sa dancing video ng Kapuso actress kasama ang anak na si Kotaro Shimizu.
“Galing mo sis!!! Grabeee looking younger everyday sis!!! Love it!!! Love you sis!!! Miss you!!! See you soon!!! 💖” saad ng isang nagngangalang Tess.
“Ms. Jean Garcia defying aging eversince 🙈🥺❤️ Super gorgeous naman Madam 😍❤️ Papunta ka na po sa Koreana 🤭😆❤️,” segunda ng isa pang follower sa hiwalay na Instagram post ng Kapuso actress.
Napansin naman ng kapwa Kapuso at young actress na si Shaira Diaz ang pagkakahawig umano ni Jean sa isang Korean actress.
“You look like Kim Hee-sun ate!!😍” komento ng young actress.
Ang batikang Korean actress ay kilala sa mga proyektong “Remarriage & Desires,” at “Tomorrow,” bukod sa maraming iba pa.
“Ay grabe naman yon beh hihihiii love you and amishuuu labs, 🥰🫶🏻” pagtugon na lang ni Jean sa naging obserbasyon ni Shaira.
Well, hindi na nga bagong maugnay sa K-pop idol ang ageless beauty ng Kapuso veteran star.
Sa katunayan kasi, nauna nang viral sa ilang online communities ng K-pop fans ang pagkukumpara sa aktres kay Korean singer Irene na miyembro ng sikat na K-pop group na “Red Velvet.”
