Bumuhos ang kilig ng KDLex fans matapos mag-post ng Instagram story ang aktres na si Alexa Ilacad para sa kaniyang onscreen partner na si KD Estrada, Miyerkules ng gabi, Nob. 9, 2022.
“When I’m hurt, I know you feel double. When people walk all over me, you’re always ready to go to war for me. Thank you for always protecting me, for being my safe space, and for being strong when I can’t fight for myself- since day 1. I am in awe of how you love and stand for the people you care about. Any girl would be lucky to have a man like you,” sweet na ibinahagi ni Alexa.
Ipinost naman ni KD ang Instagram story ni Alexa sa kaniyang Twitter account, “and i’d do everything all over again if the end result is me and you,” saad ni KD sa kaniyang caption.
Kilig na kilig naman ang KDLex fans sa palitan ng sweet messages ng tambalan.
Nabuo ang loveteam na KDLex matapos nilang magsama sa “Pinoy Big Brother: Kumunity Season 10” na sinundan ng kabi-kabilang proyekto sa Kapamilya Network kagaya ng mini series na “Run To Me” na umere noong Mayo.
Sa ngayon, wala pang opisyal na kumpirmasyon ang dalawa sa estado ng kanilang relasyon sa kabila ng ka-sweetan ng dalawa off-cam.
