Binigo ng Ginebra San Miguel ang Magnolia Hotshots, 103-97, sa puntiryang ikaanim sana na panalo sa kanilang laban sa PBA Commissioner’s Cup sa Mall of Asia Arena sa Pasay nitong Linggo ng gabi na pinanood ng 12,087 fans.
Pinamunuan ni Justin Brownlee ang ratsada sa nakolektang 26 puntos, walong rebounds, 12 assists at limang blocks.
Sa huling 1:19 ng laban, nagpakawala ng fadeaway shot si Brownlee kaya nakuha ng Gin Kings ang bentahe, 99-97.
Tinangka pang humabol ng Hotshots, gayunman, nagmintis ang tira ni Mark Barroca dahil sa higpit na depensa ni Nards Pinto hanggang sa tuluyang maiuwi ng Ginebra ang tagumpay.
Huling natikman ng Gin Kings ang panalo laban sa guest team na Bay Area Dragons, 111-93 nitong Oktubre 9.
Sa Biyernes, makakalaban ng Ginebra ang Terrafirma Dyip sa Araneta Coliseum dakong 4:45 ng hapon.
