Marami ang napa-wow! sa glow up photo ni “Magandang Buhay” momshie host Melai Cantiveros na ibinahagi niya sa kaniyang Instagram post nitong Biyernes, Oktubre 14.
“Goodnight EveryOne,” caption ni Melai. Kalakip ng IG post na ito ang dalawa niyang selfies.
Ayon sa mga netizen, tila nakikita nila ang Kapamilya actress na si Janella Salvador sa kaniya. Si Janella ay ang gumaganap na “Valentina” sa superhero seryeng “Mars Ravelo’s Darna: The TV Series” sa Kapamilya Network.
Ilan sa mga humanga sa kaniyang photos ay sina Darla Sauler, Loisa Andalio, Bianca Gonzalez, Chie Filomeno, Maxene Magalona, Kapuso comedian na si Boobay, Geneva Cruz, at social media personality na si Mimiyuuuh.
Kamakailan lamang ay naging viral ang kanilang video ng mga anak dahil sa pagsambit ng panganay na anak na si Mela ng “You know that I love chicken nuggetsss!!!”
