Engaged na ang magjowang sina Mariano G at Cinderella Salilican o mas kilala bilang si Cindy, na ilang beses nang inookray ng mga netizen dahil hindi raw sila bagay.
Kilala ang tambalan nila bilang “MarDy”.
Kinukuwestyon ng mga netizen ang kanilang relasyon dahil hindi raw nagtutugma ang kanilang mga panlabas na anyo.
Ngunit pinatunayan ni Mariano na mahal na mahal niya si Cindy at hindi niya alintana kung anuman ang mga sasabihin ng ibang tao sa kanilang dalawa, kaya nag-propose na siya rito ng kasal, sa mismong programang “Good News” ng GMA Network. Sa kalagitnaan ng shoot kung saan sila naitampok sa naturang programa, hiningi ni Mariano ang matamis na oo ni Cindy, bagay na ipinagkaloob naman nito.
Nagpapasalamat si Cindy kay Mariano dahil ito raw ay isang lalaking may “balls” at kaya siyang ipaglaban kahit husgahan o laitin man sila ng mga tao. Nangako si Cindy na hindi niya iiwanan ang nobyo.
Si Mariano naman, nangako kay Cindy na hinding-hindi niya ito pababayaan.
Umani naman ito ng pagbati mula sa mga netizen.
“Congrats Mardy dito lang kami palagi naka-support sa inyo. MASAYA kami lahat ng Mardynation!”
“Ang pag-ibig na tunay at totoo, walang pinipili sa lahat ng bagay congrats sa inyo mga idol!”
“Nakangiti lang ako para sa inyong dalawa… nakakakilig! Congrats!”
