Inaayos na lang daw ni Kapuso star Marian Rivera ang kaniyang abalang schedule at all-set na ito para lumabas sa YouTube channel ni Luis Manzano.
Sa isang Instagram story ni Luis nitong Biyernes, isang fan ang nag-request sa Kapuso actress sa channel ng Kapamilya host.
“Zumbaba and Luis Listens with Mrs. Marian Rivera-Dantes, when?” tanong ng avid subscriber.
“Sana soon! Inaayos lang [ang] sched ni Ma’am @marianrivera,” tugon lang ng host.
Ni-repost ni Marian ang kaniyang story at tiniyak naman itong nasa schedule niya ang paglabas sa sa patok na channel ni Luis.
Nasa mahigit 1.85 million subscribers na ang mayroon si Luis sa YouTube at tumabo na ito ng nasa 70.9 million lifetime views sa pag-uulat.
Abang-abang na ngayon pa lang ang fans ni Marian sa kauna-unahang appearance ni Marian sa YouTube channel ng isang Kapamilya personality.
