Dahil parte na ng Viva Films ang ‘Katips’ star na si Jerome Ponce, usap-usapan tuloy kung siya nga ba ang gaganap bilang batang Ninoy Aquino sa sequel ng ‘Maid in Malacañang.’
Kasama rin ni Ponce na makapasok sa Viva ang isa pang aktor na si Kyle Velino.
“Congrats Kyle and Jerome, WELCOME TO VIVA! Love you Avel Salvamante Bacudio and Boss Vincent del Rosario,” sey ng kontrobersyal na direktor na si Darryl Yap sa kanyang Facebook post nitong Biyernes, Setyembre 9.
“See you soon Darryl Yap,” komento naman ni Ponce.
Usap-usapan tuloy sa comment section ng naturang post ni Yap, kung si Ponce na nga ba ang gaganap na Ninoy Aquino sa sequel ng “Maid in Malacañang.”
Matapos umano ang tagumpay ng “Maid in Malacañang” sa takilya, inihahanda na umano ni Yap ang second installment o sequel nito, ayon sa panayam sa kaniya ni Coach Jarret noong Agosto 5, 2022.
Sa naganap na presscon para sa MiM ay nabanggit na trilogy pala ang pelikulang ito: ang susunod daw ay MoM o “Maytyr or Murderer” at ang huling installment daw ay “MaM o “Mabuhay Aloha Mabuhay” na iikot sa naging buhay ng mga Marcoses sa Hawaii.
Iikot daw ang sequel sa mabigat na paratang sa pamilya Marcos kaugnay ng asasinasyon kay dating Senador Ninoy Aquino sa dating Manila International Airport, kaya naipangalan dito ang naturang paliparan.
Noong Agosto rin, nag-viral ang larawan ni Ponce kasama ang pamilya ng kanyang girlfriend na si Sachzna Laparan, na kung saan nanood sila ng Maid in Malacañang. Matatandaan na parte ng ‘Katips’ ang showbiz couple.
“Iyak tawa! Sobrang ganda ng MiM wala akong masabi sa Darryl Yap namaga ang mata ko at grabe yung totoong MGA MAID SILA ANG TOTOONG BIDA! Bidang bida hahaha! And of course thank you Joseph Jerome Porciuncula sa pag sama,” saad ng ina ni Sachzna sa isang Facebook post.
Basahin: https://balita.net.ph/2022/08/06/jerome-ponce-nanood-ng-maid-in-malacanang-netizens-pumalag/
