Isang cute na cute na tagpo sa vlog ni Kryz Uy ang ikinaantig ng netizens tampok ang nakakatunaw na paglalambing ng dalawang taong gulang lang na si Scottie sa kaniyang ‘shoti’ o baby brother na si Baby Sevi.
Bagaman dalawang taong-gulang lang si Scottie, panganay ng Cebuana content creator na si Kryz at Pinoy Big Brother champ Slater Young, matatas na itong magpahayag ng kaniyang emosyon.
Anang netizens, para sa edad ni Scottie, marami na itong alam na English vocabularies at matalas na itong nakikipag-usap.
Kaya naman, ikinaantig ng “Skyfam” o subscribers ng YouTube channel ni Kryz, ang cute na cute na paglalambing ni Scottie sa kaniyang ilang buwang gulang lang na kapatid.
Mula sa time stamp na 2:09 sa September 4 vlog ni Kryz, inosente at cute na inihambing ni Scottie si Sevi sa siopao habang ‘di mapigilan nitong pisilin at tila panggigilan ang mukha ng kaniyang shoti.
“I love you, siopao. I love you, shoti siopao. Hug,” maririnig na sunod na sabi ni Scottie habang nakagiyang yayakapin si Baby Sevi.
“Ahia such a good big brother,” ani Kryz na hindi rin maitago ang masayang reaksyon sa paglalambing ni Scottie sa kanyang kapatid.
Ibinahagi rin ni Kryz ang cute na cute na tagpo sa Instagram na ikinaantig ng mahigit isang milyon niyang followers.
Samantala, sa parehong vlog, isang bad news ang naging hatid ni Kryz kasunod ng muling Covid-19 outbreak sa kaniyang Skypod.
Dito ibinahagi ni Kryz na nakuha rin ni Scottie ang nakahahawang sakit.
Gayunpaman, sa isang Instagram post ng vlogger nitong Martes, makikita nang enjoy na enjoy si Scottie sa isang outdoor trip kasama ang kaniyang mommy at daddy.
