Para kay Ruru Madrid, si Bianca Umali na ang “the one” matapos niyang makita na handang mag-take ng risk ang aktres para sa kaniya.
Ang Kapuso aktor ay mula sa isang pamilya ng Iglesia ni Cristo (INC).
Bilang isang devoted INC, aminado si Ruru na committed siyang makarelasyon ang isang babaeng kapareho ng kaniyang pananalig.
Kaya naman malaking respeto ng aktor sa kaniyang girlfriend na si Bianca matapos nitong magpa-convert bilang INC member.
“Before ka maging INC, eight months. Kailangan mo aralin ‘yung 25 lessons, and then after that kailangan mo pa ‘yung tinatawag naming ‘sinusubok.’ Dun kailangan hindi ka makapag-miss ng kahit isang pagsamba. Kailangan mo makapunta dun sa mga tinawang naming mga pulong, na lahat yun dapat makumpleto mo,” pagbabahagi ni Ruru sa Toni Talks kaugnay ng naging proseso ng pagpapa-convert ni Bianca.
“For her [Bianca] po kasi, inaral niya po muna and same with me. Kaya somehow ‘di ko masasabi na it’s because of me kaya niya ginawa ‘yun,” dagdag ng aktor.
Samantala, sigurado na umano si Ruru na si Bianca na ang kaniyang “the one.”
“I mean simula nong time na umabot ako sa point na pwede na akong magkaroon ng relationship, ngayon lang ako nakakita ng tao na parang susuporta ako nang sobra…at willing siya mag-take ng risk para maipakita niya lang sa akin kung gaano ako kaimportante sa kaniya,” saad ni Ruru.
“Ang sarap sa pakiramdam na parang lahat ng gusto ko sa isang babae, nasa kaniya na,” dagdag ng “Lolong” actor.
Pag-amin din ni Ruru, una rin nilang itinago ang kanilang relasyon para sa kapakanan ng kanilang mga love teams noon.
Matatandaang kamakailan lang, sa unang pagkakataon ay inamin ni Ruru na apat na taon na silang dating ni Bianca.
