Bamban, Tarlac — Namatay ang isang 4 na taong gulang na lalaki pagmamaltrato ng kanyang madrasta sa Brgy. Anupul sa bayang ito.
Sa inisyal na ulat mula sa Tarlac Provincial Police Office, kaso ng Homicide in relation to Violation of RA 7610 ang isinampa laban sa suspek na si Marife, stepmother ng biktima, na residente ng Sitio Layak, Brgy. Anupul Bamban, Tarlac.
Nangyari ang insidente noong Agosto 17, 2022 ngunit ito ay naiulat lamang bandang 3:20 ng hapon noong Setyembre 1, 2022.
Lumalabas sa imbestigasyon na batay sa alegasyon ng saksi, ang pagmamaltrato ay ginawa ng suspek sa biktima.
Kaagad na dinala ang biktima sa Concepcion District Hospital, Concepcion, Tarlac para sa medical check-up at kalaunan ay isinangguni sa Jose B Lingad Hospital, San Fernando, Pampanga ngunit binawian nito ng buhay habang naka-confine.
Samantala, hindi nagbigay ng anumang pahayag si PCMS Aileen M.Feliciano, imbestigador sa kaso kung saan at kailan inihain ang kaso.
Aniya, hindi siya awtorisadong sumagot ng anumang katanungan tungkol sa kaso ng 4 na taong gulang.
