Tom Rodriguez, nagiging aktibo na ulit sa showbiz matapos ang hiwalayan nila ni Carla Abellana

Unti-unti nang nagiging aktibo ulit sa showbiz ang Kapuso actor na si Tom Rodriguez matapos ang ilang buwang hiwalayan ng kanyang asawa na si Carla Abellana.

Namataan umano siya ng mga Pinoy sa isang event na kung saan naging special judge ang aktor sa naganap na Miss Philippines USA sa San Diego, California. 

Ito ang kauna-unahang appearance ni Tom matapos lumipad patungong Arizona sa Amerika noong Marso. 

Sa interview ng aktor kita sa hitsura nito ang laki ng ipinayat kumpara noong mapapanood pa siya sa teleseryeng “The World Between Us.” 

Aminado raw si Tom na namimiss at hinahanap hanap niya ang pagiging artista. 

“I really miss performing and collaborating, not just with my peers and my predecessors, but also collaborating with the audience you know that the rapport,” aniya sa kaniyang interview sa ‘Chika Minute’ ng 24 Oras.

Hindi naman nakalimutan ni Tom na magbigay ng message sa mga kaibigan niya at mga tagasuporta. Aniya, “I’m okay and I really really appreciate the sentiments. I miss all of you guys right back so I can’t wait to see all of you again. Let’s collaborate, let’s work on something—all of us.”

Ibinalita rin ni Tom na may pinagkakaabalahan siyang projects doon habang nasa Amerika. Senyales na unti unting nagiging aktibong muli sa showbiz si Tom. 

“We got a few things lined up. I have been lucky enough to be part of a series of shows. Hopefully, I can start plugging them soon.” 

Sa hindi nakakaalam, Tom is not only an actor but he is also a singer. Kaya nga minsan ding naging parte siya noon ng Sunday show ng GMA-7 na “All Out Sundays.” Yun na!