Ibinahagi ni Binibining Pilipinas 1st-runner up, Herlene Budol kung ano ang nag-udyok sa kanya na sumali sa kompetisyon.
Sa kanyang pinakabagong vlog, binuking ni Herlene ang sikreto kung bakit siya napapayag na sumali ng beauty contest kahit noong una ay nag-aalangan pa siya na rumampa.
Aniya, araw-araw, kinukumbinsi siya ng kanyang manager na si Wilbert Tolentino at sinabi na nagkaroon sila ng deal nito na
“‘Yung unang tao na nagpush sa akin, nakakita ng potential bilang beauty queen ay si Sir Wilbert talaga.”
Dagdag pa niya, nahihiya pa siya kay Wilbert dahil baka mapahiya niya lang ito.
“Sabi ko, “Ma ‘wag, baka mapahiya lang kita. Sabi ko, hindi ako magaling na tao, hindi ako para dyan,” pagbabahagi ni Herlene.
Ani Herlene, walang namang araw na hindi siya hinikayat at sinabihan na kayang-kaya nito makipag-sabayan sa iba.
Ngunit isang bagay ang lalong naging rason ni Herlene kung bakit ito pumayag na pasukin ang mundo ng pagentry nang alukin siya ni Wilbert ng isang deal.
Aniya, “Alam niyo, in-offeran niya ako, “gagawin ko sayo yung ginawa ko kay Madam Inutz, pumasok siya ng PBB, bibilhan ko siya ng bahay. Pumasok ka ng BBP, bibilhan kita ng bahay.” Sino ba namang tanga ang hindi papayag dyan.”
Kahit may kaba, agad namang pumayag si Herlene dahil inisip niyang maging “praktikal” dahil pangarap niya nga ang magkaroon ng sariling bahay.
“Kahit anong trabaho ko, kahit sampung taon pa ako magtrabaho, makakabili ako ng bahay pero matagal na panahon.”
“Iniisip ko yung lola’t lolo ko na 84 na, 81, hindi na mahaba yung buhay nila. Gusto ko na maranasan nila na tumira sa maayos. Hindi na naabutan ni Nanay, wala na siya. Kasi yung araw na ‘to, ito yung araw na bibilhin na ni Sir Wilbert ang bahay. ‘Yon ‘yung mga panghihinayang ko na sayang, hindi naabutan ni Nanay Bireng,” pagbabahagi ni Herlene.
Taos-pusong nagpasalamat si Herlene sa kanyang manager.
