PANGASINAN – Namataan ng mga residente ang isang ipo-ipo sa dagat ng Lingayen nitong Linggo ng hapon.
Karamihan sa mga residente at namamasyal sa Lingayen baywalk ay kinunan ng litrato at video ang sumulpot na ipo-ipo na hindi kalayuan sa beach, dakong 5:40 ng hapon.
Kaagad namang ipinost ito sa Facebook account ni kagawad Darwina Ruiz Cruz at nai-share ng mahigit sa 1,000 netizens hanggang sa umani ng daan-daang reaksyon.
“Nakakatakot naman, bigla na lang namin nakita ‘yan, namamasyal lang kami sa dagat,” ayon sa isang residente.
“Malakas naman ang ulan sa aming lugar, kaya agad na rin kami nag-uwian at nakakatakot din ang kidlat,” sabi naman ng isa sa sa beachgoers.
