Mananatiling pinuno ng Bureau of Corrections (BuCor) si Director General Gerald Bantag na siya ring nangangasiwa sa New Bilibid Prison (NBP).
Sa isang panayam, binanggit ni Department of Justice (DOJ) Secretary Crispin Remulla, nagkita na sila ni Bantag, gayunman, hindi pa isinasapubliko ang detalye ng kanilang pagpupulong.
Si Bantag ay itinalaga ni dating Pangulong Rodrigo Duterte bilang BuCor chief kapalit ni Nicanor Faeldon noong 2019. Noong Marso 2022, direkta itong hinirang ni Duterte at pormal na nanumpa bilang director general ng BuCor.
Nilinaw naman ni Remulla na ang direktor ng BuCor ay may tour of duty o panahon ng panunungkulan na hindi lalagpas sa anim na taon alinsunod na rin sa BuCor Act of 2013.
