MABALACAT CITY, Pampanga – Arestado ang tatlong drug suspect at napuksa ang isang makeshift drug den sa isang operasyon sa 19th St., Barangay Dau, Miyerkules, Hunyo 22.
Kinilala ng Philippine Drug Enforcement Agency (PDEA)-Region 3 (Central Luzon), ang mga suspek na sina Ruben Esquariaga Cruz, alyas “Boy,” 61; Daisy Walker David, alyas “Ate,” 49; at Alvaro Cabanding Balmores, 20, pawang residente ng 19th St., Barangay Dau.
Nakuha sa mga suspek, kasama sa PDEA-Philippine National Police (PNP) unified watchlist, ang walong heat-sealed transparent plastic sachet na naglalaman ng 11 gramo ng hinihinalang shabu na nagkakahalaga ng P97,900; samu’t saring drug paraphernalia, at ang buy-bust money.
Ang anti-drug operation ay isinagawa ng PDEA-Central Luzon at lokal na pulisya sa mga reklamong natanggap mula sa mga residente.
Kasong paglabag sa Republic Act (RA) No. 9165 o Comprehensive Dangerous Drugs Act of 2002 ang isasampa laban sa mga suspek.
