Isa sa mga celebrity na dumalo sa inagurasyon ni Vice President Sara Duterte ay si Kapuso actress Sanya Lopez.
Makikita sa kaniyang Facebook account ang mga litrato nila ni VP Sara.
“Privileged to be invited at VP Sara Duterte’s oath taking ceremony,” saad ni Sanya sa kaniyang caption.
Naispatan din sa naturang okasyon ang kaniyang mga boss sa GMA Network, na sina Chairman at CEO Atty. Felipe Gozon at GMA Films President Annette Gozon-Valdes.
Nagpa-picture din si Sanya kina Senador Robin Padilla, dating presidential adviser at senatorial candidate Atty. Salvador Panelo, at anak ni President-elect Ferdinand ‘Bongbong’ Marcos, Jr. na si congressman-elect ng 1st district ng Ilocos Norte na si Sandro Marcos.
Kinakiligan naman ang litrato nila ni Davao City Mayor Sebastian “Baste” Duterte at may mga nangantiyaw na bagay sila.
