Nasorpresa at napahiyaw na lamang ang Kapamilya actress-vlogger na si Ivana Alawi nang bigla siyang ‘tusukin’ ng tingting sa kilikili ng co-star na si Jake Ejercito habang abalang-abala siya sa pagse-cellphone.
Makikita sa video na ibinahagi ni Jake sa kaniyang social media platforms ang sorpresang reaksiyon ni Ivana. Mukhang kakain na sila ng mga panahong iyon matapos ang taping ng kanilang teleseryeng “A Family Affair”, na nasa Cycle 4 na.
Napatingin na lamang ito sa natatawang si Jake at napabulalas ng “Whaaat?”
Samantala, pinuri naman ng mga netizen ang angking-kagandahan ni Ivana, na kahit nagulat daw ito ay super pretty pa rin.
“So unfair, bakit ang ganda pa rin niya kahit gulat na, pero noong ako ang ginulat, nagulat din sila at nagtakbuhan lahat.”
“Bakit ang ganda pa rin magulat ni Ivana. Ang unfair talaga.”
“Ang cute magulat ni Ivana! Ganda pa rin!”
Nahagip din ng video ang reaksiyon ng isa sa mga leading men ni Ivana na si Gerald Anderson na nagulantang din.
“Parang nagseselos yata si Gerald.”
“Doon ako natawa sa reaksiyon n Gerald eh… concern yarn?”
“Yung gulat ni Gerald na parang may ibang plano…”
“Si Gerald parang susugod na ehhh hahaha.”
“Look at Gerald’s reactions? Haha.”
Samantala, malapit nang mapanood ang “A Family Affair” kasama pa sina Sam Milby at Jameson Blake. Ito ang kauna-unahang pagsasama nilang lima sa isang serye, at kauna-unahang proyekto ni Ivana sa ABS-CBN na siya ang lead role.
