Isang dalagita sa Sta. Fe, Leyte ang natagpuang wala nang buhay sa kanyang kuwarto matapos itong magbigti noong Linggo, dahil umano sa sama ng loob sa kanyang kasintahan.
Ayon sa ulat ng RMN Tacloban, Lunes, Hunyo 13, ang hindi pinangalanang dalagita ay 17-anyos lang.
Base sa impormasyon ng lokal na pulisya, ang bangkay nang dalagita ay unang nakita ng kanyang 7-anyos na kapatid na nakabigti na gamit ang pinagtagping kumot.
Pinaniniwalaan naman ang hindi pagbati ng kanyang dyowa sa araw ng monthsary nito ang naging isa sa mga dahilan ng pagpapatiwakal ng dalagita.
Nakapagkwento rin umano ang biktima sa kanyang tiya ang hindi nga pagpaparamdam ng karelasyon nito sa espesyal na araw.
Tinangka pang isugod sa Schistosomiasis Hospital ang dalagita ngunit idineklara itong dead on arrival.
Para sa mga nakararanas ng depresyon o yugto ng krisis sa mental na kalusugan, mangyaring humingi ng tulong sa crisis hotlines ng National Center for Mental Health (NCMH).
