Makaraang basagin ang katahimikan hinggil sa iniintrigang may bago nang karelasyon at pinalitan na kaagad si Barbie Imperial sa katauhan ni dating Pinoy Big Brother housemate Franki Russell, inamin naman ngayon ni Diego Loyzaga na nasa dating stage na sila ngayon ng dalaga.
Matatandaang naging usap-usapan ang mga kumalat na litrato nilang dalawa kung saan tila sweet na sweet sila sa isa’t isa; binati rin ni Franki si Diego sa birthday nito at tinawag na ‘Papi’.
Sa panayam na ginawa sa kaniya ng kolumnistang si Dolly Anne Carvajal noong Sabado, Mayo 28, sinabi ni Diego na walang romantic relationship sa pagitan nilang dalawa, at nananatili siyang single habang isinusulat ito.
Samantala, sa panayam naman sa mga half siblings ni Diego kay Sunshine Cruz, sinabi nila na hindi pa rin daw nila nakikilala si Franki sa personal, at wala silang alam sa kung ano ba ang real-score sa pagitan ng kanilang kuya at ng dating PBB housemate.
Si Franki naman, wala pa ring sey tungkol sa isyu.
Ngunit wala pang isang buwan ay iba na ang tunog ngayon ni Diego, ayon sa panayam sa kaniya ng DJ na si Rico Robles, sa All Out” segment ng Monster Radio RX 93.1, Hunyo 6.
“We had so much in common, and so we were talking a lot and we were like, ‘We should catch up sometime. It just so happened that I was going out of town, and we caught up a lot of times before leaving town and I was like, you know what, I’m gonna take a shot in the dark here even though I said that I wanna stay single,” ayon sa aktor.
“We have known each other [at the time] for ten days, we are not a thing. Who am I to say that — I can’t give a label that we are something. Ang kapal naman ng mukha ko na sabihin na, ‘Kami na.’ I mean, I haven’t asked her. But noon ‘yon, iba ngayon,” aniya pa.
Sa totoo lamang daw, simula nang magkahiwalay sila ni Barbie ay nasabi niyang magpopokus muna siya sa kaniyang sarili. Subalit sa hindi inaasahang pagkakataon ay nangyari nga ang pagki-click nila sa isa’t isa ni Franki.
“Well, you know what, I’m a hypocrite. I said I wanted to focus on myself but I guess these things you don’t expect it. It just really comes along.”
“We really did click. So, I would definitely say that right now we’re dating.”
Samantala, wala pang tugon o reaksyion dito si Franki o maging si Barbie, na nagbalandra naman ng kaniyang kaseksihan habang nasa Albay, para sa taping ng pelikulang pagtatambalan nila ni Carlo Aquino.
