Matapos matalo sa Game 2 ng NBA Finals, gumanti naman ang Golden State Warriors sa katunggali na Boston Celtics, 107-88, sa Chase Center sa San Francisco, California nitong Linggo (Lunes sa Pilipinas).
Pinangunahan ni Stephen Curry ang Warriors sa nakubrang 29 puntos upang itabla sa 1-1 ang kanilang best-of-seven series.
Hindi na pumayag ang Warriors na maulit ang pagkatalo nila sa Game 1 kung saan nasayang ang 12 puntos na abante kaya ipinamalas ng koponan ang double-digit advantage sa 3rd quarter ng laban.Dahil na rin sa mala-dikyang depensa ng Warriors, hindi na rin nakaporma ang mga manlalaro ng Celtics na nagpaubaya na lamang hanggang sa tumunog ang buzzer sa final period.
Bukod kay Curry, kumamada rin ang mga teammate na si Jordan Poole (17 puntos), Andrew Wiggins (11 puntos), Kevon Looney (12 puntos) at Klay Thompson (11 puntos).
Itinakda ang Game 3 sa Boston sa Miyerkules, Hunyo 8.
