Bumisita si Pangulong Rodrigo Duterte sa burol ng tinaguriang “Queen of Philippine Movies” na si Susan Roces nitong Miyerkules ng gabi.
Dumating si Duterte sa Heritage Park sa Taguig, kasama si Senator Bong Go, at sinalubong sila ni Senator Grace Poe na anak ni Roces.
Agad namang ipinakilala ni Poe si Duterte sa mga miyembro ng kanyang pamilya.
Ilang minuto ring nakipagkkuwentuhan si Poe sa Pangulo.
Nitong Martes, bumisita si President-elect Ferdinand “Bongbong” Marcos, Jr. sa burol ni Roces. Kasama ni Marcos ang asawang si Liza.
Itinakda naman ang libing si Roces sa Manila North Cemetery kung saan makakatabi nito ang asawang Fernando Poe, Jr, sa Mayo 26.
