Sinabi ng Commission on Elections (Comelec) na ang maraming tangkang pangha-hack sa website nito ay “hindi isang dahilan para mag-alala,” sabi ng tagapagsalita ng poll body, Linggo, Mayo 15.
Nalaman kamakailan ng poll body mula sa Department of Communications and Technology (DICT) na mahigit 20,000 na pagtatangkang pag-atake sa website ng Comelec ang napigilan at na-block.
“It’s really not a cause for concern… But we will look into this,” ani Comelec Acting Spokesperson John Rex C. Laudiangco nang tanungin kung naalarma ba ang poll body sa tangkang pag-hack sa website ng Comelec.
Binanggit niya na ang poll body at ang mga “allied agencies” nito ay ilang taon nang naghahanda para sa halalan, binanggit na isa sa mga paghahandang ginawa nila ay ang pagpapatibay sa website ng Comelec.
“That’s why really it’s not something for us to note, but not necessarily a concern to affect our mandate…”
Sa naunang press briefing, sinabi ni Laudiangco na natukoy din ng DICT ang ilang Internet Protocol Address o IPs.
Dahil dito, idinagdag niya na ang DICT, sa pamamagitan ng Cybercrime Investigation Division, ay tinutugis ang mga IP na kanilang natukoy.
Ang host ng opisyal na website ng Comelec ay ang DICT.
Jel Santos
