Pinabulaanan ng Sparkle GMA Artist Center ang kamakailang kumalat na hubad na larawan ni “Asia’s Multimedia Star” Alden Richards na lalong pinag-usapan matapos ichika ng online marites na si Xian Gaza.
Sa isang pahayag nitong Lunes, Abril 4, pinabulaanan ng kampo ng GMA ang larawan at sinabing peke at “digitally altered” ito.
Mapapansin na sa ibinahaging mga larawan sa kanyang Instagram noong Enero, iflinex ni Alden ang resulta ng kanyang “discipline” sa katawan. Naging mitsa naman ito sa malisyusong manipulasyon ng larawan.
Kinundena ng artist center ang pagpapakalat ng pekeng larawan kabilang ang mga walang basehang mga paninira sa kanilang artist.
“Mr. Richards is a role model for many people and we strongly condemn perpetrators of malicious activities related to our artists, including the spreading of groundless information and defamation,” saad ng Sparkle.
Dahil sa insidente, maglalatag ng legal na rekurso ang GMA laban sa mga sangkot na indibidwal sa pagpapakakat ng pekeng larawan at ilang pang malisyusong komento ukol dito.
“We all need to guard against fake news, so we urge the public to think before you click,” dagdag ng Sparkle.
Matatandaang nitong pagpasok ng buwan ng Abril, isang April Fool’s Day entry ang unang ibinida ni Xian Gaza sa kanyang Facebook page.
Batay sa mensaheng ipinadala niya umano sa private message kay Alden, may tinutukoy siyang tila litrato na naipadala raw sa kaniya. “Amputi, Mars. Kung gagawin kong alaga eh papangalanan kong ‘Whitey,’” pagpapatuloy pa ni Xian.
Sunod na ibinalandra ni Xian ang larawang natanggap umano niya kung saan tila makikita ang hubad na larawan ni Alden.
Sa pag-uulat, burado na ang mga nasabing Facebook posts na ito ng online personality.
Nanggigil naman ang mga fans ni Alden at ibinaling ang sisi kay Xian.
“Christian Albert Gaza ihanda mo na ang 1 billion mo,” saad ng isang netizen.
“Christian Albert Gaza THINK BEFORE YOU CLICK! THANK YOU!” payo ng isa pa.
“Kakamarites mo yan Xian Gaza kakasuhan ka ng GMA Sparkle yari ka hahahahaha .”
Wala pang tugon si Xian sa naturang isyu.
