Winner na winner si Herlene “Hipon Girl” Budol sa larawang ibinahagi nito sa Instagram. Nahalikan lang naman sa pingi ng dalaga ang nag-iisang John Lloyd Cruz.
“John Lloyd ng buhay ko hahahha,” mababasa sa caption ni Hipon Girl na.
Ilang Kapuso artists naman ang nagereact sa larawan.
Hirit ni Ashley Rivera, “Iba din!!!! [laughing emoji].
“Hahahaha cute cute mo!” saad naman Valeen Montenegro.
Tatlong heart emojis naman ang komento ni Maxene Medina sa Instagram post.
Sa hiwalay na larawan, makikita pang magkayakap si Herlene at John Lloyd.
Nasa set pala ng pinagbibidahang sitcom ni John Lloyd na “Happy ToGetHer” si Hipon Girl. Ang dalaga ay guest sa episode ngayong Linggo.
