Pagkakalooban ng tax exemptions at subsidiya ang mga local film at music industries.
Sa pagbabalik ng sesyon noong Lunes, Enero 17, inaprubahan ng mga mambabatas ang House Bill 10541 na ang layunin ay pagkalooban ng tax exemptions at bigyan ng kaukulang subsidiya ang local film at music industries.
Ang panukalang “Film and Live Events Recovery Act” ay pinagtibay sa botong 195. “It would exempt locally-produced live events and local film productions from amusement tax.”
Ibaba rin ng panukala ang amusement tax sa limang porsyento ng gross receipts ng admission fees. Sususpendihin din ang kapangyarihan ng lokal na pamahalaan na magpataw ng amusement tax sa loob ng dalawang taon.
Ito ay maaari pang palawigin ng panibagong dalawang taon depende sa approval ng Department of Finance.
Bert de Guzman
