Nagpositibo sa COVID-19 ang dalawa pang miyembro ng K-pop group na BTS na sina RM at Jin kahapon, Disyembre 25.
Kinumpirma ito ng kompanya ng group na Big Hit Music.
Sa pahayag na inilabas ng Big Hit Music, sinabi nitong kahit nagpositibo sa COVID-19 si RM, “asymptomatic” o hindi naman ito nagpapakita ng sintomas si RM.
“… he [RM] underwent PCR testing today before his scheduled release from quarantine and was found to be positive for COVID-19; he is currently exhibiting no particular symptoms.”
Samantala, mayroon namang mild symptoms na nararamdan si Jin tulad ng lagnat at kasalukuyang sumasailalim sa self-treatment sa sarili nitong bahay.
“He [Jin] is exhibiting mild symptoms including light fever, and is undergoing self-treatment at home.”
Sinuguro naman ng Big Hit Music ang buo nitong suporta para sa paggaling ng mga miyembrong tinamaan ng COVID-19.
“Our company will continue to provide support for the rapid recovery of RM and Jin, placing our highest priority on the health and safety of our artists. We will continue to cooperate fully with the requests and guidelines of healthcare authorities.”
Matatandaan na nauna nang napaulat na nagpositibo rin sa COVID-19 ang isa pa nitong miyembro na si Suga noong umuwi ito sa South Korea galing U.S. at kasalukuyang dumadaan sa self-quarantine.
