Magpapalipas ng Pasko at Bagong Taon ang magkapatid na Dargani na sina Mohit at Twinkle, kasama si Linconn Ong, tatlong opisyal ng Pharmally Pharmaceutical Corporation, para sa kanilang patuloy na pagtanggi na makipagtulungan sa imbestigasyon ng Senate Blue Ribbon Committee.
Ito’y matapos na hindi banggitin ni Senador Richard Gordon sa naganap na hearing ang posibilidad na makalaya sila matapos suspendihin ng komite ang hybrid hearing nito hanggang Enero 13.
Ang komite ni Gordon ay nagsagawa ng mahigpit na apat na oras na imbestigasyon na natapos alas-6:48 ng gabi nitong gabi ng Dis. 21.
Nauna nang sinabi ni Senate Minority Leader Franklin Drilon, dating Justice Secretary, kina Ong at Mohit na ang Senado, sa ilalim ng batas at desisyon ng Korte Suprema, ay may karapatan na ipag-utos ang kanilang patuloy na pagkakakulong dahil sa kanilang pagtanggi na magpakita ng mga dokumento ng korporasyon na makatutulong sa imbestigasyon ng Senado.
Inilipat sina Ong at Mohit sa Pasay City jail habang si Twinkle ay nananatili sa Office of the Senate Sergeant at Arms (OSSA).
Patuloy na iginiit nina Ong at Mohit na wala silang alam kung nasaan ang mga papeles ng Pharmally corporate.
Sinabi ni Gordon na naunang dinala ng komite si Twinkle sa isang ospital dahil sa kanyang anxiety attacks.
Ang magkapatid na Dargani ay may mamahaling luxury cars.
Ang isang pagdinig sa Enero sa Enero 13 ay bago ipagpatuloy ng Senado ang plenary session sa Enero 17. Ang Senado at ang House of Representatives ay kasalukuyang nasa kanilang Christmas break.
Bago natapos ang pagdinig ng komite, sinenyasan ni Drilon na tanungin ng komite ni Gordon ang Bureau of Internal Revenue (BIR) at Commission on Audit (COA) sa status ng kanilang imbestigasyon sa umano’y overpricing sa PS-DBM.
Ang dalawang ahensya ay nangako sa Senado na iuulat nila ang kalagayan ng kanilang mga imbestigasyon, ani Drilon.
Mario Casayuran
