Namahagi ng ‘pink lugaw’ ang mga tagasuporta ni presidential candidate Vice President Leni Robredo sa mga kabataan, drivers, at market vendors sa Roxas City, nitong Nobyembre 15.
Makikita sa Facebook page na ‘F1rst Ko Si Leni’ ang pamamahagi ng VP Leni Supporters Capiz Team ng pink lugaw bilang pagpapakita ng pagsuporta kay VP Leni, at sa running mate nito na si Senador Kiko Pangilinan. Bukod sa pamamahagi ng pink lugaw, nagkabit din sila ng pink ribbons at pink stickers sa iba’t ibang mga lugar.
“Every day is #kakamPINK day! Ngayong araw, namigay ang #F1rstKoSiLeni Capiz team ng mahigit 50 cups ng pink lugaw sa mga kabataan, drivers, at market vendors ng Municipality of President Roxas,” saad sa caption.
“Naglagay din sila ng mga pink ribbons at #LeniKiko2022 stickers around the area. Madamo nga salamat sa mga nagtalambong! Padayon, kabataan!”
