Masayang ibinahagi ng Kapuso actor na si JC Tiuseco na natapos na niya ang Basic Citizen Military Course (BCMC) bilang reservist sa ilalim ng Philippine Navy.
Ibinahagi ni ‘PO2 Tiuseco’ ang panibagong milestone sa kaniyang buhay, sa kaniyang Instagram post nitong Setyembre 17, 2021. Ito raw ang isa sa mga ‘best decisions’ na ginawa niya sa tanang buhay niya.
“What a life-changing experience! Joining the military is one of the best decisions I’ve made,” ayon sa unang grand winner ng ‘Survivor Philippines’ noong 2008.
Pinasalamatan ni JC ang aktor at isa ring reservist na si Enzo Pineda, na nakasama niya sa loob ng training camp.
“Thank you to Batch ‘Maalab’ BCMC 03-2021 and to my Buddy Enzo for the camaraderie and friendship that we built inside the training camp. Thank you to all our Oscars and Drill instructors for sharing the knowledge and experience. Also want to thank my family for supporting me in this new path that I chose.”
Handang-handa na umano si JC sa kaniyang nakaatang na tungkulin bilang isang Navy reservist, na inialay niya sa Diyos at bayan.
“PO2 Tiuseco reporting for duty! For God and Country! Navy Hooyaaahhh! Marines Hoooraaahh!”
Nagpaabot naman ng pagbati sa kaniya ang isa pang Kapuso actor na naging Navy reservist na rin, na si Rocco Nacino.
Bukod kina JC, Enzo, at Rocco, ang iba pang mga male celebrities na naging reservist na rin ay sina dating Quezon City Mayor Herbert Bautista (Brigadier General ng Philippine Army), Matteo Guidicelli (Second Lieutenant ng Philippine Army), Ronnie Liang (Second Lieutenant ng Philippine Army), Dingdong Dantes (Lieutenant Commander ng Philippine Navy), Baron Geisler (Philiipine Navy), Christopher De Leon (Chief Petty Officer ng Philippine Navy), JM De Guzman (Philippine Air Force), Kiko Estrada (Philippine Air Force), Gerald Anderson (private reservist ng Philippine Army at auxiliary officer at Lieutenant Commander ng Philippine Coast Guard), at Robin Padilla (Strategic Communications [StratCom] Committee Chief ng Philippine Army).
Sa mga female celebrities naman, nariyan sina Lucy Torres-Gomez (Philippine Army), Arci Muñoz (Seargent, Philippine Air Force Reserve Command), Winwyn Marquez (Philippine Navy), Coleen Perez (Sergeant ng Philippine Air Force Reserve Command), Julia Barretto (Philippine Coast Guard), at Vilma Santos (Lieutenant Colonel para sa Philippine Air Force).
Si Beauty Gonzales naman ay may training bilang reservist sa Philippine National Police Aviation Security Group (PNP-ASG).
