Isang makahulugang post ang ibinahagi kamakailan ng aktor na si Kier Legaspi.
Patungkol ang post ng aktor sa kung paano niya tinatanggap ang lahat ng “punches and lies.”
“Let’s see how you would feel if I tell my side of the story. Game?” bahagi pa ng post.
Bago ito, may post din ang aktor na: “Magpainterview kaya ako para yung side ko naman ang marinig.”
Bagamat walang binanggit na pangalan, kumbinsido ang netizens na patungkol ito sa naging pahayag kamakailan ng kanyang anak kay Marjorie Barretto, na si Dani.
Matatandaang sa isang panayam sa vlog ni Dr. Vicki Belo, ibinahagi ng 27-anyos na vlogger ang relasyon niya sa kanyang ama.
Hindi naman na tago sa publiko ang hindi magandang relasyon ng dalawa.
Sa katunayan, hindi imbitado ang aktor nang ikasal ang kanyang anak noong 2019, matapos ibahagi na hindi sila nag-uusap.
Sa panayam kamakailan, inamin ni Dani na nakausap niya si Kier nitong 2020 matapos ang pitong taon.
“I called him. I was very emotional. I knew he was just there. I wanted my daughter to know him,” saad ni Dani. “I don’t want my daughter to grow up na what if she asks me about my dad, wala ako masagot because I don’t know what’s happening in his life.”
Naikuwento rin na Dani na maging number ng ama ay wala siya, kaya naman kinailangan pa niya itong hingin sa kanyang lola.
“I called him and we spoke. We kept trying to plan to see each other but because of COVID hindi kami matuluy-tuloy.”
Nagbahagi rin si Dani ng mga memories sa ama.
“I don’t think I actually celebrated a birthday with my dad. Growing up, that was actually a major frustration for me. Kasi siyempre, when you have friends, you see them at birthday parties, tapos may cake blowing, tapos complete family pag may birthday,” aniya. “I didn’t have that growing up. It wasn’t naman much of a bubog.”
“We had a relationship naman. I have memories of him. Hindi naman total nothing. I do have naman good and bad memories,” say pa nito.
Hanggang sa naikuwento na rin niya kung paano nagkalayo ang kanilang loob.
Aniya, gumawa naman siya ng paraan na makilala ang ama, na hindi niya madalas nakikita.
“Because I knew he was just around. I knew na hindi naman siya OFW. He’s just within my reach. But when I got older and I had more freedom to reach out to him, I did, I tried,” saad pa ni Dani.
May punto rin na tumira si Dani sa ama sa loob ng tatlong buwan noong 19-anyos siya.
“It was a very dark phase in my life. At that time, I wanted to get to know him. I wanted a different point of view,” aniya. “I lived with my mom all my life, I wanted to try to know my dad, so I lived with him.”
“We had fun. Dun ko nakilala dad ko. We had a relationship. I have great memories of him. But naudlot siya, e. After three months, dun kami nagka-falling out.”
Aniya, nag-away silang mag-ama isang gabi.
“And then, hindi na namin na-resurrect from that night. We just stopped talking after that night. Then it has been seven years.”
Inamin naman ni Dani, na “she was a very hard child to raise.”
Tinawag pa niya ang dating sarili na “prodigal daughter.”
“Lagi ako naglalayas. Ako yung very confused in life. Laging may issue sa school, issue sa life, issue sa friends. So, my mom really had a hard time with me. I gave her so much problems, kaya kapag may hinihingi yung mom ko, ‘Okay, mom, I’ll give it.’”